ພົນຕີ ວົງຄໍາ ພົມມະກອນ ລົງເຄື່ອນໄຫວເຮັດວຽກຢູ່ແຂວງຊຽງຂວາງ
ໃນວັນທີ 29 ກັນຍາ 2023 ນີ້, ສະຫາຍ ພົນຕີ ວົງຄໍາ ພົມມະກອນ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ
ພ້ອມດ້ວຍຄະນະຊ່ຽວຊານຫວຽດນາມ ນໍາໂດຍ ສະຫາຍ ພັນໂທ ຫວງຽນ ຕຽນ ຢຸງ ຫົວໜ້າຫ້ອງໂຄສະນາສຶກສາ ຫໍພິພິທະພັນຫວຽດນາມ
ແລະ ພາກສ່ວນທີ່ກ່ຽວຂ້ອງ ໄດ້ລົງເຄື່ອນໄຫວກວດກາຫໍວາງສະແດງຮູບຈໍາລອງກອງພັນທີ 2 ຜ່າວົງປິດລ້ອມຂອງສັດຕູອອກຈາກທົ່ງໄຫຫີນ
(18 ພຶດສະພາ 1959) ຢູ່ແຂວງຊຽງຂວາງ ເພື່ອປັບປຸງແກ້ໄຂແບບອານຸສອນສະຖານ ເພື່ອລາຍງານຕໍ່ຂັ້ນເທິງ; ໂຄງການດັ່ງກ່າວແມ່ນເປັນໂຄງ
ການກໍ່ສ້າງຂອງ ກົມວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ມອບໃຫ້ບໍລິສັດ ສຸພັດທອນ ທີ່ປຶກສາ ແລະ ບໍລິການ
ຄົບວົງຈອນ ຈໍາກັດ ເປັນຜູ້ອອກແບບ ແລະ ຮັບເໝົາກໍ່ສ້າງ. ເຊິ່ງໜ້າວຽກຂອງໂຄງການກໍ່ສ້າງອານຸສອນສະຖານກອງພັນທີ 2 ຜ່າວົງປິດລ້ອມ
ຂອງສັດຕູ ປະກອບມີທັງໝົດ 15 ໜ້າວຽກ/ໂຄງການ ຄື: ໂຄງການກໍ່ສ້າງວຽກກະກຽມທົ່ວໄປ; ສຳຫຼວດ ແລະ ເກັບກູ້ລະເບີດທີ່ບໍ່ທັນແຕກ;
ທຸບມ້າງປະຕູໂຂງທັງ 2 ຈຸດ; ກໍ່ສ້າງປະຕູໂຂງໃໝ່ພ້ອມຮູບນູນ 2 ຂ້າງເຂົ້າກອງພັນທີ 2 ໃໝ່ 01 ຈຸດ; ມ້າງປະຕູໂຂງໂຕເກົ່າສະໜາມບິນ 702
ທາງນອກອອກພ້ອມສ້າງໂຕໃໝ່ແທນໃສ່ທາງໃນ 01 ຈຸດ; ກໍ່ສ້າງຮົ້ວອ້ອມໜານໝາກຈັບສູງ 1,7 ແມັດ, ຄວາມຍາວ 300 ແມັດໜາມໝາກ
ຈັບ 4 ຮາວ ພ້ອມໄຂ່ວ ຂອງສະໜາມບິນ 702; ກໍ່ສ້າງສ້ອມແປງເດີນປະດັບຊັ້ນ ຂະໜາດ 15x15 ແມັດ; ກໍ່ສ້າງສ້ອມແປງ-ຕົກແຕ່ງຫໍມູນເຊື້ອ
ກອງພັນທີ 2; ແຕ້ມຮູບການຊ່ວຍເຫຼືອລະຫວ່າງ ທະຫານ ກັບ ປະຊາຊົນ ຂະໜາດ 2x4 ແມັດ 10; ຕິດຮູບພາບນັກຮົບກອງພັນທີ 2 ໃສ່ຝາ;
ແຜນວາດໂຄງຮ່າງຈັດຕັ້ງ ກອງພັນທີ 2; ອັດຮູບ ທ່ານ ຢາທໍ່ຕູ້ ແລະ ຄະນະໃສ່ແຜນວາດໂຄງຮ່າງຈັດຕັ້ງ ກອງພັນທີ 2; ຕິດຕັ້ງມາແກັດໂຕໃໝ່
ໃສ່ຫໍມູນເຊື້ອກອງພັນທີ 2; ຈັດພິມລາຍຊື່ນັກຮົບ ກອງພັນທີ 2 ໃສ່ຝາຫ້ອງຫໍມູນເຊື້ອ ແລະ ປູກດອກຄາຍປະດັບເດີ່ນປະດັບຊັ້ນ. ຈຸດປະສົງ
ຂອງໂຄງການກໍ່ສ້າງອານຸສອນສະຖານກອງພັນທີ 2 ຜ່າວົງປິດລ້ອມ ທີ່ທົ່ງໄຫຫີນ ແຂວງຊຽງຂວາງ ກໍເພື່ອເປັນບ່ອນວາງສະແດງວີລະກໍາອັນກ້າ
ຫານ ຜົນງານອັນຍິ່ງໃຫຍ່ ແລະ ນໍ້າໃຈອັນພິລະອາດຫານ ການນໍາພາອັນສະຫຼາດສ່ອງໃສຂອງນັກຮົບປະຕິວັດລາວ ກອງພັນທີ 2 ໃນການຜ່ານວົງ
ລ້ອມຂອງສັດຕູອອກຈາກທົ່ງໄຫຫີນໄປສູ່ເຂດທີ່ໝັ້ນປະຕິວັດໄວ້ໃຫ້ລູກຫຼານ, ພໍ່ແມ່ປະຊາຊົນພະ ນັກງານ-ນັກຮົບ ໄດ້ສຶກສາຄົ້ນຄວ້າ ແລະ ຮຽນ
ຮູ້ເຖິງໄຊຊະນະອັນພິລະອາດຫານຂອງກອງທັບປະຊາຊົນປະຕິວັດລາວ.
ແຫຼ່ງຂ່າວໂດຍ ຂັນເພັດ
ວັນທີ 03/10/2023